Во рамките на нашата студиска посета во Тирана, Албанија, во организација на Gender Alliance for Development Center (GADC), ја одржавме тркалезната маса за презентирање на анализите за безбедност и здравје при работа во текстилна индустрија кои беа изработени изминатите 6 месеци во двете земји. И, во двете земји досега не се разговарало за оваа тема, се надеваме дека ова е само почеток и заеднички ќе работиме и понатаму, се со цел подобрување на состојбата.На настанот учествуваа претставници на институции кои имаа воведни говори:
Luljeta Krasta, Министер за финансии и eкономија,
Gazmend Nelaj, инспектор при инспекторатот за здравје,
Johan Schmid, регионален менаџер за западен Балкан од Олоф Палме Центар.Свои излагања на темата имаа и:
Kejsi Gaxha, ко-автор на анализата за Албанија,
Кристина Ампева од Гласен Текстилец,
Mirela Argimandriti, извршна директорка на #GADC.Исто така претставници на релевантни институции:
Eda Brahimaj, претставник од министерството за труд и социјална политика на Албанија,
Горан Поповски, претставник од министерството за труд и социјална политика на Македонија (Државен инспекторат за труд),
Gentian Muça, експерт по менаџмент за здравје и заштита Албанија,
Милан Петковски, експерт за безбедност и здравје при работа во Македонија,
Edvin Prençe, претставник од Pro Export Албанија,
Kol Nikolla, претставник од KSSh, Trade Union како и дискусија со останатите учесници на настанот.
Наредната активност беше и посета на текстилната фабрика во познатата албанска област “Bathore”. Каде што нашите текстилни работнички имаа можност да разговараат со нивните колешки од Тирана.
Разговорот продолжи на кафе средба, каде што работничките разговараа за условите за работа во двете земји.
Овие активности се дел од проектот “Occupational Diseases of Women Garment Workers in Albania and North Macedonia”, што го имплементиравме заедно со нашата партнерска организација, а со финансиска поддршка од Олоф Палме Интернационалниот Центар.
