Денеска (27 март 2023 година) во канцеларијата на претседателката на Комисија за еднакви можности на мажите и жените, рализиравме работна средба со проф. д-р. Гордана Силјановска Давкова и претседателката на клубот на пратенички, Лолита Ристова. Оваа средба е во рамките на проектот: „Пријавете мобинг, не молчете, не сме родово еднакви со мобинг“.
На работната средба дискутуравме за:
- за предлогот за породилното отсуство (за користењето од страна на мајката и таткото), дел од новиот предлог Закон за работни односи;
- поголема заштита на бремените жени кои се во работен однос.
Исто така, посочивме да се разговара на седница за нашите предлози и забелешки во врска со предлогот за новиот Закон за работни односи, како и за понатамошната соработка со оваа комисија и нејзините членови.
Проектот „Пријавете мобинг, не молчете, не сме родово еднакви со мобинг“, имплементиран од Гласен Текстилец е поддржан од Реактор – Истражување во акција и нивните партнери преку акцијата „Унапредување на родовата еднаквост во процесот на пристапување во ЕУ“. Акцијата е финансирана од Европската Унија и ко-финансирана од Шведска.
Оваа објава е создадена со финансиска поддршка на Европската Унија, ко-финансирана од Шведска. Содржината е единствена одговорност на Гласен Текстилец и не ги одразува ставовите на Европската Унија или Шведска.
