Изминатиот викенд во Битола, во организација на Независниот синдикат на полицијата (НСП), се одржаа активности на кои присуствуваа претставници од повеќе синдикални организации од регионот – меѓу кои и Сојуз на синдикати 5та СИЛА, како и четири независни синдикати од Србија, Босна и Херцеговина и Црна Гора. Од Гласен синдикат, беше присутна, Кристина Ампева, во улога на генерална секретарка на 5та СИЛА.
На средбите беа разменети искуства за поуспешно синдикално организирање и претставување на работниците.
Во рамки на настанот беше одржана и Првата меѓународна конференција на тема „Синдикално заложништво“, организирана од НСП.
Активно учество земаа:
- претседателот на Комисијата за заштита и спречување од дискриминација,
- четири полициски синдикати – членови на Балканската полициска унија,
- претставници од Министерството за внатрешни работи,
- претставници од апелационите судови и адвокатската фела,
- Сојуз на синдикати 5та СИЛА,
- како и претставник на Фондацијата Фридрих Еберт – копје.
Заклучоците од конференцијата се насочени кон почитување на уставно загарантираното право на членување, односно не-членување во синдикат (негативно право на синдикално организирање).
Овие ставови беа разгледани низ призма на домашното законодавство, меѓународните конвенции и повеќе од 10 пресуди на Европскиот суд за човекови права.
Заклучоците детално ќе бидат разработени и доставени до надлежните миниатерства, институции, како и Владата на Република Македонија, со барање за нивно доследно прифаќање и спроведување.
