Здружението „Гласен Текстилец“ од Штип објавува јавен повик за ангажирање на еден/а обучувач/ка (физичко или правно лице) за спроведување на обука за развој на капацитетите на внатрешниот персонал и волонтерите во ГТ, со вклучени тим билдинг активности.
Ангажманот е во рамки на проектот „Институционално и економско зајакнување на жените и девојките од источниот регион 3“, финансиран од Фондацијата Kvinna till Kvinna и Шведска.
Услови и критериуми за кандидатите:
1. За физички лица:
- Најмалку 3 години искуство во спроведување на обуки поврзани со работата на граѓанскиот сектор, тим билдинг активности и организациско работење.
2. За правни лица:
- Апликантот треба да има најмалку 3 години искуство во спроведување обуки и тренинг програми во области поврзани со граѓанскиот сектор и тим билдинг активности.
- Искуство во имплементација на програми за организациски развој и капацитети ќе биде предност.
За предност ќе се сметаат:
- Познавање на човековите права и родовиот концепт;
- Професионално искуство во граѓанското општество.
Опис на работните обврски:
Бараме високо искусен/а и професионален/а обучувач/ка за следниве задачи:
- Развој на интерактивна и детална програма за обуката и сите придружни материјали за тродневната обука (вклучувајќи темите опфатени во компонентите на обуката);
- Користење на интерактивен пристап при работа со учесниците;
- Развој на методологија и програма за обуката;
- Споделување на методологијата и програмата со организаторите од Гласен текстилец. Гласен текстилец го задржува правото да направи промени во предлогот;
- Одржување на тродневна обука за волонтери/вработени;
- Обуката ќе се одржи во периодот од 5 до 7 декември 2025 година;
- Подготовка на наративен извештај за реализираната обука и споделување со организаторите не подоцна од 10 декември 2025 година. Извештајот треба да биде напишан на англиски јазик и превод на македонски јазик.
Компоненти на обуката:
- Промовирање на здрава и пријатна работна средина и толеранција: Изградба на позитивна организациска култура, промовирање на здрави односи и толеранција како клуч за поддршка на продуктивноста и задоволството на вработените и волонтерите.
- Стекнување на вештини за организациско раководење: Вклучување на вештини за ефективно раководење со организацијата, управување со проекти, ресурси и тимови.
- Градење на интерперсонални вештини: Развивање на комуникациските и социјалните вештини за подобрување на тимскиот дух и соработката.
- Тим билдинг активности за вработени и волонтери: Активности за подобрување на меѓусебната комуникација и соработка, како и зголемување на мотивацијата и ефикасноста.
- Менаџирање на време и работни обврски: Вештини за ефективно управување со време, како поединец така и во тим.
Начин на апликација:
Кандидатите се повикуваат да аплицираат со следниве документи:
- Анекс 1: Образец за апликација (во кој се наведуваат сите потребни информации за квалификации и искуство);
- Анекс 2: Буџет (изразен во денари);
- Листа со референции: ја креира самиот апликант/ка (физичко или правно лице).
Анексите се поднесуваат електронски на: glasentekstilec@gmail.com до 20 ноември 2025 година.
Напомена: Некоплетни апликации и апликации доставени по рокот не ќе бидат разгледувани.
Прашања и дополнителни информации:
Дополнителни прашања може да се достават електронски до 15 ноември 2025 година, преку електронската адреса: blagojche.dishoski@glasentekstilec.mk
Документи за преземање:
