In Vinica, Stip и Delchevo успешно беа реализирани трите форуми за јавна презентација и застапување „Гласот на жените во општинскиот буџет“, чија цел беше да се поттикне поголемо учество на жените и граѓаните во процесите на креирање локални политики и општински буџети.
Форумите се дел од проектот „Преку женски активизам и граѓански иницијативи до родово инклузивни и одговорни општини“, преку кој се отвори простор за дијалог, презентација на граѓански иницијативи и застапување за потребите на жените, девојките и ранливите категории граѓани на локално ниво.
Погледнете кратко видео од форумите:
На настаните беа презентирани иницијативи насочени кон подобрување на секојдневниот живот во заедниците, со фокус на поголема безбедност, пристапност, информираност и родова еднаквост. Преку дискусија со присутните, беше истакната важноста од активно граѓанско учество во донесувањето одлуки кои директно влијаат врз животот на граѓаните.
Во Виница беа презентирани иницијативи поврзани со подигнување на јавната свест за родово базирано и семејно насилство, подобрување на пристапноста за лицата со телесен инвалидитет и мајките со деца, како и соодветно обележување паркинг места пред јавни објекти и институции.
Во Штип и Делчево, исто така, беа презентирани буџетски иницијативи и се разговараше за потребата од посилна соработка помеѓу граѓаните, граѓанските организации и локалните институции, со цел креирање поинклузивни и поодговорни општински политики.
Со реализацијата на форумите во трите града, уште еднаш беше нагласено дека гласот на жените мора да биде слушнат и вклучен во локалното планирање, особено кога станува збор за буџети, услуги и мерки кои треба да одговорат на реалните потреби на заедницата.
Продолжуваме да застапуваме, да информираме и да поттикнуваме активизам кој води кон родово инклузивни, пристапни и одговорни општини.
The forums are part of the project "Through women's activism and civic initiatives to gender-inclusive and responsible municipalities", implemented by Glasen Tekstilec in partnership with EHO educational and humanitarian organization and the Initiative of Unemployed Intellectuals.
The project is supported by the Government of Switzerland through Civica Mobilitas.
The content of this event is the sole responsibility of Glasen Tekstilec, EHO Educational-Humanitarian Organization, and the Initiative of Unemployed Intellectuals, and can in no way be considered to reflect the views of the Government of Switzerland, Civica Mobilitas, or the organizations implementing it.
