Благојче Дишоски

Благојче Дишоски е доктор по медицина, активист и бранител на човековите права, коосновач на „Гласен Текстилец“ и раководител на финансиското и административното работење на организацијата.

Дипломирал општа медицина на Факултетот за медицински науки при Универзитетот „Гоце Делчев“ во Штип. Иако неговото формално образование е од областа на медицината, професионалниот ангажман го насочува кон граѓанскиот сектор, човековите права и развојот на одржливи граѓански организации.

Во работата на „Гласен Текстилец“ е вклучен од 2017 година, најпрво како волонтер и активист. Подоцна работи како проектен координатор на активности поврзани со родовата еднаквост, човековите права и родово базираната дискриминација. Од 2019 година е вклучен во финансиското управување со проекти поддржани од домашни и меѓународни донатори, а од 2021 година ја извршува функцијата финансиски координатор, односно раководител на финансии.

Неговата работа опфаќа финансиско планирање, подготовка и следење на буџети, финансиско известување, административно управување, подготовка за ревизии и обезбедување усогласеност со донаторските и законските правила. Со својата работа придонесува средствата на организацијата да се користат одговорно, транспарентно и во согласност со целите за кои се обезбедени.

Покрај финансиското управување, Благојче учествува во подготовката и координацијата на проекти, развивањето партнерства и јакнењето на организациските капацитети. Тој е активно вклучен во иницијативи за родово одговорно буџетирање, граѓанско учество, родова еднаквост и локално застапување, како и во организацијата и јавната промоција на фестивалот „Текстилијада“.

Неговото искуство со  долгогодишната работа со финансиското и проектното управување создаваат мултидисциплинарен пристап кој е значаен за стабилноста и одржливоста на „Гласен Текстилец“.