Заштита на работничките права
Поддршка при прекршувања на права, незаконско постапување, притисок, дискриминација и други неправди на работното место.
Синдикат на работниците од приватниот сектор
Ниту еден работник не треба да се бори сам.
„Гласен Синдикат на работниците“ е основан во Штип за да ги обедини и заштити работниците од приватниот сектор — за достоинствена плата, безбедни услови, правна сигурност и глас што не може да биде игнориран.
- Основан на 1 март 2024
- Штип
- За целиот приватен сектор
За Гласен Синдикат
Синдикат создаден од реалните потреби на работниците.
„Гласен Синдикат на работниците“ е основан на 1 март 2024 година во Штип, првично во неколку текстилни компании од Источниот Регион. Основач е Здружението за заштита на работничките права „Гласен Текстилец“ – Штип.
Синдикалното патување започнува токму од градот на текстилот — место каде што илјадници работници секојдневно го градат локалниот развој, но честопати остануваат без доволна заштита. Од ова искуство произлегува пошироката цел: организирање и заштита на работниците од целиот приватен сектор во Северна Македонија.
Синдикатот реагира на прекршувања, неправди и неизвесност на работното место, се залага за подобри законски решенија и регулативи, како и за квалитетни колективни договори. Работниците се столбот на општеството — затоа нивниот труд, време и достоинство мора да бидат почитувани.
Нашата заложба
Гласни таму каде што работникот е замолчен.
Синдикалната заштита не е само реакција кога ќе се појави проблем. Таа значи организирање, превенција, информирање и постојана борба за правила што важат еднакво за сите.
Подобра плата и услови
Залагање за достоинствена заработувачка, безбедност и здравје при работа, редовно работно време и почитување на трудот.
Подобри закони
Борба за измена на штетните законски решенија и за регулативи што обезбедуваат реална, а не само формална заштита.
Колективно договарање
Посилни и поправедни колективни договори создадени преку вистински дијалог и активно учество на работниците.
Синдикално организирање
Помош работниците да се поврзат, да основаат синдикални организации и заеднички да настапуваат пред работодавачите.
Достоинство и сигурност
Работникот да не живее во страв и неизвесност, туку да има знаење, поддршка и сигурност дека не е сам.
Членство и поддршка
Конкретна заштита кога ти е најпотребна.
Со редовно членство, „Гласен Синдикат на работниците“ ги презема обврските наведени во официјалната пристапница.
Месечна синдикална членарина
0,7%од законски предвидената минимална нето-плата
Членарината е основа за континуирана правна, стручна и синдикална поддршка.
Според пристапницата, без континуитет во месечната уплата лицето останува член, но синдикатот не ги презема наведените обврски.
Бесплатен правен совет
Првична правна насока и помош за подобро разбирање на правата и можните следни чекори.
Адвокатска консултација
Соодветна и бесплатна адвокатска консултација и услуга за членови, согласно условите на синдикатот.
Правно застапување
Бесплатно адвокатско застапување за одредени предмети, по претходно прецизирање и разгледување на проблемот.
Обуки и стручно советување
Синдикални обуки, семинари и други форми на едукација и стручно советување, според можностите на синдикатот.
Зачлени се
Еден чекор до посилен заеднички глас.
Избери онлајн зачленување или преземи ја официјалната пристапница. Податоците се користат за потребите на членувањето согласно изјавата за согласност во пристапницата.
Избери начин на зачленување
Пополнете ја онлајн-формата или преземете ја PDF-пристапницата за рачно пополнување.
Достави ја пристапницата
Следете ги насоките во формата или контактирајте го тимот доколку ви е потребна помош при доставувањето.
Стани дел од синдикалната заедница
Добиј пристап до синдикална, правна и едукативна поддршка согласно Статутот, програмата и условите за членство.
Поврзување и вредност за членовите
Солидарност што се гради во мрежа.
Синдикалното здружување станува посилно кога автентичните работнички гласови се поврзуваат, споделуваат знаење и создаваат конкретни можности.
Мрежи и членување
Дел од синдикалната иницијатива „5-та СИЛА“
„5-та СИЛА“ е прогресивна, солидарна и транспарентна синдикална иницијатива што ги обединува автентичните синдикални гласови и отвора пат за нов тип социјален и економски ангажман.
Поволност за членовите
20%попуст
Меѓународен Славјански Универзитет
Попуст на годишната школарина за прв и втор циклус студии. Поволноста важи за сите членови на „Гласен Синдикат“ и се остварува со потврда за членство.
Од синдикалната работа
Организирање, учење и регионална солидарност.
Објави поврзани со Гласен Синдикат
Твојот глас е важен
Кога стоиме заедно, неправдата повеќе не е приватен проблем.
Зачлени се, информирај се и помогни да изградиме работни места во кои трудот се почитува, а достоинството не се преговара.
