Врснички едукации „ги знам своите работнички права ја знам својата моќ“

Врснички едукации #ГиЗнамСвоитеРаботничкиПраваЈаЗнамСвојатаМоќ со средношколците од Штип, Виница и Кочани ги започнавме минатата недела. Едукаторите од #ГласенТекстилец се запознаа со клучните компоненти од Законот за работни односи : договори за вработување , права на работници под 18 години , мобинг , дискриминација на работното место и врсничко насилство .

Обуката беше спроведена од нашата правничка Kristina Nedkova, м-р – специјалист по право во областа на казнено право. Вториот дел од обуката беше посветен на разговори и дискусии, каде што преку примери се разјаснуваа различни концепти. Потоа, младите обучувачи играа „Кахут“ квиз на зададената тема како проверка на знаењето. На крајот, имавме заклучок, согледавме „дрвото на очекувања“ и дискутиравме дали сè е исполнето за време на работилницата, како и за идните цели поврзани со обуките .

Во наредниот период, врсничките едукатори ќе ги пренесат своите знаења низ училиштата до своите соученици, помагајќи им да се запознаат со заштитата од дискриминација , мобинг и превенција од врсничко насилство , како и со своите обврски и права за време на работа.