Во рамките на проектот „Преку женски активизам и граѓански иницијативи до родово инклузивни и одговорни општини“, поддржан од Цивика мобилитас. Цивика мобилитас е проект на Владата на Швајцарија за поддршка на граѓанското општество во Северна Македонија, која ја спроведуваат Македонскиот центар за меѓународна соработка (МЦМС), НИРАС од Данска и ФЦГ од Шведска, денеска ги потпишавме Договорите за партнерство во рамките на проектот за граѓански ангажман.
Партнерскиот проект „Преку женски активизам и граѓански иницијативи до родово инклузивни и одговорни општини“ ќе биде спроведуван од Здружението за заштита на работничките права „Гласен текстилец“ – Штип, во партнерство со организациите ЕХО – едукативно-хуманитарна организација од Штип и Иницијатива на невработени интелектуалци – ИНИ од Виница.
Проектот има за цел мобилизација и развивање на критичко и независно мислење кај жени и девојки за активно учество во креирањето на локалните политики и преземање на активна улога во решавање на родово сензитивни проблеми во општините. Проектот ќе се имплементира на териториите на општините Штип, Делчево и Виница, во периодот од 1 јули 2024 година до 31 октомври 2026.
Проектот „Преку женски активизам и граѓански иницијативи до родово инклузивни и одговорни општини“ е поддржан од Швајцарија преку Цивика мобилитас. Цивика мобилитас е проект на Владата на Швајцарија за поддршка на граѓанското општество во Северна Македонија, која ја спроведуваат Македонскиот центар за меѓународна соработка (МЦМС), НИРАС од Данска и ФЦГ од Шведска. Целта на програмата е општествените промени во Северна Македонија кои се водени од силен граѓански сектор, од активни граѓани и добра соработка со властите што резултира со проширен граѓански простор, поодржливи граѓански организации и потранспарентно, отчетно и општествено инклузивно владеење на централно и локално ниво. Мислењата кои се изразени овде не нужно ги одразуваат ставовите на Швајцарската Влада, Цивика мобилитас или организациите што ја спроведуваат.
