Здружението „Гласен Текстилец“ од Штип, објавува повик за aнгажирање на еден/а обучувач/ка за спроведување на обука за превенција и менаџмент на Burnout syndromes.
Услови и критериуми за кандидатите/ките:
Кандидатите/ките со следното искуство се добредојдени да аплицираат:
- Најмалку универзитетска диплома по психологија, социјална работа и други сродни области;
- Најмалку 5 години професионално искуство;
- Најмалку 3 години искуство во спроведување на обуки поврзани со работата на граѓанскиот сектор.
За предност ќе се сметаат:
- Познавање на човековите права и родовиот концепт;
- Да има професионално искуство во граѓанското општество.
Опис на работните обврски:
Бараме високо искусен/а и професионален/а обучувач/ка за следниве главни задачи:
- Да се развие интерактивна и детална програма за обука и сите придружни материјали за испорака за тродневна обука;
- Да се користи интерактивен пристап со учесниците;
- Да се развие Методологија и програма за обуката;
- Да ја споделат методологијата и програмата со организаторите од Гласен текстилец. Гласен текстилец го задржува правото да направи промени во предлогот;
- Да одржи тродневна обука за учесници/вработени;
- Обуката ќе се одржи на во периодот од 27 до 29 ноември 2024 година;
- Да подготви наративен извештај за реализираната обука и да го сподели со организаторите не подоцна од 10 декември 2024 година. Извештајот за обуката треба да биде напишан на англиски јазик и превод на македонски јазик.
Компоненти на обуката:
- Промовирање на здрава и пријатна работна средина и толеранција;
- Намалување на стрес, предизвикан од работното место;
- Техники за релаксација;
- Зголемување на самодовербата;
- Балансирање на работата со приватниот живот;
- Само грижа на вработени;
- Градење на интерперсонални вештини;
- Менаџирање на време и работни обврски.
Начин на апликација:
Се аплицира со детално пополнување на:
Анекс 1: Образец за апликација (достапна за преземање во делот докумнети);
Анекс 2: Буџет (достапен за преземање во делот докумнети). Буџетот треба да биде пополнет во денари. Буџетските ставки поставени во буџетот се само пример! Истиот треба да се работи согласно објавениот повик.
Двата анекса се поднесуваат електронски на glasentekstilec@gmail.com до 25 октомври 2024 година.
Напомена: Некоплетираните апликации и ненавремено доставените, Комисијата нема да ги разгледува.
Документи:
Прашања и дополнителни информации:
Дополнителните прашања се доставуваат електронски до 20 октомври 2024 година, преку електронската адреса: blagojche.dishoski@glasentekstilec.mk
Оваа активност е дел од проектот „Институционално и економско зајакнување на жените и девојките од источниот регион 2“, којшто го имплементира здружението за заштита на работничките права Гласен Текстилец – Штип. Проектот е финансиски поддржан од The Kvinna till Kvinna Foundation и Шведска. Содржината на оваа објава е единствена одговорност на Гласен Текстилец – Штип.
